ខេត្តកែប ៖ មុខសញ្ញាចែកចាយនិងប្រើប្រាស់គ្រឿងញៀន ជាលោកសង្ឃ១អង្គ ត្រូវបានកម្លាំងនគរបាលមូលដ្ឋាន សហការនឹងកម្លាំងនគរបាលក្រុងកែប ឃាត់ខ្លួន រួមជាមួយថ្នាំញៀន១កញ្ចប់តូច កាលពីម៉ោង៧និង៣០នាទីយប់ ថ្ងៃទី២៧ ខែកក្កដា ឆ្នាំ២០១៦ ក្នុងភូមិព្រៃធំ សង្កាត់ព្រៃធំ ក្រុងកែប។ មន្ត្រីនគរបាលជំនាញ ក្រុងកែប បានប្រាប់ឲ្យដឹងថា: ជនសង្ស័យ ជាព្រះសង្ឃ ព្រះនាម សុខ ចាន់ឌី ជន្មានយុ២២ព្រះវស្សា គង់នៅវត្ត ភ្នំព្រូស ក្នុងភូមិ សង្កាត់កន្លែងឃាត់ខ្លួនខាងលើ។ វត្ថុតាងសមត្ថកិច្ចរឹបអូសបាន រួមមាន: ថ្នាំញៀន ប្រភេទម៉ាទឹកកក ចំនួន០១កញ្ចបើតូច,ទូរស័ព្ទដៃ ០៣គ្រឿង និងសម្ភារ:ពាក់ព័ន្ធប្រើប្រាស់ថ្នាំញៀនមួយចំនួន។ ជនសង្ស័យ ក្រោយកម្លាំងឃាត់ខ្លួនរួច ក៏បញ្ជូននាំមកសាកសួរ នៅអធិការក្រុងកែប ដើម្បីកសាងសំណុំរឿង បញ្ជូនឡើងស្នងការដ្ឋាននគរបាលខេត្ត ចាត់ការតាមនីតិវិធីច្បាប់៕